Olinpiada matematikoak
DBH 2ko ikasleok XX. Eduardo Chillida Olinpiada Matematikoetan parte hartu dugu aste honetan! Ikastolan aurrekanporaketa egin dugu, lurralde mailako lehiaketara zein ordezkari bidali erabakitzeko.
Greziar Olinpiadetarako gonbidapena
Greziar Olinpiadak antolatu ditugu astelehenerako LH 1eko lagunok, eta aste honetan Soroara joan ginen, HH5eko lagunei olinpiadak ikustera etortzeko gonbidapenak ematera. Urduri gaude eguna noiz iritsiko!!!
Txuri Urdinen zilipurdika
Asteazkenean, LH 4ko ikasleak Txuri Urdin izotz jauregian izan ginen. Batzuek aurretik esperientzia bazuten ere, gutako askorentzat lehen aldia izan zen. Hori zilipurdi, irristada eta barre pila egin genuena, Ikaragarri ondo pasa genuen!!
Kamioia Lesbosera bidean
Aste honetan atera da Zaporeak elkartearen biltegitik Lesboseko errefuxiatuentzat Zurriola Ikastolan egin genuen bilketa. Gure ekarpenekin kamioia bildu, eta Lesbosera bidean dira Zaporeak elkarteko bolondresak. Bejondeiela!
Garuna eta filosofia
DBH4ko Filosofiako ikasleok San Telmo Museoan izan gara aste honetan, garunaren inguruko erakusteka ikusten. Ezagutzen dugun objekturik konplexuena da, eta maila zientifikoan zein filosofikoan zalantza gehien sortzen dituena.
Arte Batxilergoa: zabaldu
Batxilergoko ate-irekiak eta matrikulazioa gertu ditugu, eta Arte Batxilergoa ezagutzera emateko bideo eder hau prestatu dugu! Zabaldu ezazue zuen sareetan!
Korrika badator!
Datorren ostegunean, martxoak 14, Irunen hasiko da Korrika, eta horrekin batera etxeetara ere iritsiko zaizue Euskal Herriari buelta eman beharra. Ikasleen bidez Gurasoen Euskara Batzordeak sortutako 10 EGUN ETA 11 ERRONKA! jolasa sartuko da zuen etxeetara. Adi egon, mundiala da eta!
Idazkaritza lan-deialdia
Ikastolako 3 eraikinetako batean idazkari eta administrari lanetan aritzeko langile baten bila gabiltza. Hona deialdiaren baldintzak. Zabaldu mezua Ikastolako guraso eta lagunen artean!
Martxoak 8
Gaur dugu Emakumearen Nazioarteko Eguna, eta berdintasunaren aldarrikapena egin dugu Ikastolan! Gure aldarriekin apaindu dugu Ikastola, eta Hurran dantzan erreibindikatu dugu egunero dela M8!
"Karmele" filmeko casting-a
ATxintxua ekoiztetxetik LH1-2ko neska-mutilen bila dabiltza Asier Altunak zuzendutako "Karmele" filmerako. Hori dela eta, Zurriola Ikastolarekin harremanetan jarri dira, eta martxoaren 14an, osteguna, 16:30ean, Ategorrietako antzerki aretoan casting-a egingo da. Aukeraketan parte hartzeko galdetegi hau bete behar duzue martxoaren 12a baino lehen.