LH

Teknoiz-ekoek merienda-tertulia baterako gonbidapena luzatzen dizuegu LH6ko guraso zein ikasleei. Denoi eragiten digun gai garrantzitsu baten inguruan hitz egin eta adostasunak bilatu nahiko genituzke: teknologia berrien eta, bereziki, smartphonearen erabilera.

Asteazken eta ostegunean, LH 5eko ikasleok lehen sorospenen inguruko ikastaroa izan genuen, DYA elkartearen eskutik. Oso interesgarria izan zen, eta suspertze teknika erakutsi ziguten, benetan beharrezkoa bizitzak salbatzeko!

Komunikabideen gaia langu dugu LH 2ko lagunok, eta gaia borobiltzeko asmoz, EITBren Miramongo egoitzan egon gara aste honetan. Bertako instalazioak ezagutu, eta funtzionamendua bertatik bertara ikusteko aukera izan dugu!!

Eguraldia lagun, LH 4koak hondartzan izan gara gaur. Gure inguruan dugun altxor naturalaz gozatzeaz gainera, gure arteko harremanak sendotzeko balio izan digu. Ederki pasatu dugu!

Urtero bezala, aurten ere asko izan dira Koldo Mitxelena literatur lehiaketan parte hartu duten ikasleak, eta saridun eta aipatuen izenak jakin ditugu aste honetan. Zorionak saridunei, aipamen berezia jaso dutenei eta parte-hartzaile guztiei!

LH5ekook zirkuko emanaldia prestatu behar dugu Gorputz Hezkuntzako saiorako, eta hori aprobetxatuz, akrosporteko saioa hondartzan gauzatu dugu. Gustura aritu gara akrobaziak entsaiatzen!

Aste mugitua izan dugu LH 5 eta 6n! Izotz gainean ibiltzeaz gain, “Paperezko hegazkinak” filma ikustera joan gara Antzoki Zaharrera, Tinko Euskara Zinema Aretoetara programari esker!

Aste honetan LH 5 eta 6koon txanda izan da Txuri Urdinen!! Ikastaroa, izotz gaineko diskoteka… Zenbat gustatzen zaigun zilipurdika ibiltzea!

LH 1eko ikasleok Aintzinako Grezia gaiari amaiera emateko, Olinpiadak antolatu genituen astelehenean Ategorrietan. Gonbidatu bereziak izan genituen, gainera, HH5eko lagunak guregana etorri baitziren. Arratsalde polita benetan!

Bigarren hiruhilekoari amaiera emateko, LH3ko ikasleek txotxongiloen emanaldia eskaini diegu 1. eta 2.mailako lagunei aste honetan! Gainera, guk geuk sortutako txotxongilo eta istorioak prestatu ditugu. Zeinen polita den guk egindakoarekin besteak gozatzen ikustea!