Ataria

Gertu dago Batxilergoko aurrematrikulazioa, eta ate irekiak antolatu ditugu, etapa horren berri eman eta gure eskaintzaren inguruan hitz egiteko. Martxoaren 16an egingo ditugu Batxilergoko Ate Irekiak, 17:30ean Hurran. Zabaldu mezua, eta anima ezazue jendea! Izen-ematea zabalik dago webgunean.

Euskara ofiziala ez den Nafarroako zonaldean eragiten duen kanpaina da Errigora, eta Ikastoletako familiok urtero-urtero jartzen dugu gure alea. Iazko kanpainan, aurrekoan baino 70 saski baino gehiago banatu genituen Ikastoletan, eta kanpaina honen ondorioz, 52.000€ bideratu dira Nafarroa Hegoaldeko Ikastoletara. Laster emango dizuegu hurrengo kanpainaren berri!

Urte askotan Arte Batxilergoa Zurriola Ikastolaren ikurretako bat izan da, eta sorkuntzak Ikastolan betidanik izan duen garrantziaren adierazgarri. Pena handiarekin bizitu dugu azken urteotan modalitate honek izandako ikasle-kopuruaren gainbehera, eta aurten modalitateari amaiera emateko erabakia hartu behar izan dugu.

Jangelako menuen etengabeko lanketan aritzen gara beti, eta oraingoan, familiekiko komunikazioan beste urrats bat egin dugu: alergia eta intolerantzia kasuetan ordezko platerak zein diren jasotzen duen taula familia guztien eskura jarri dugu webgunean, jangelaren atalean, egoera horietan dauden ikasleen familiek informazio hori izan dezazuen.