Futbolari profesionalak, euskararen alde bai, baina euskaraz bada hobeto. Poziktibity ekimenaren barruan, Aduriz eta Agirretxeren elkarrizketa interesgarria ikusgai. Ikusi, merezi du-eta!

www.poziktibity.com 

 

Musika eskolako ikasturte amaierako emanaldien egutegia duzue jarraian.
Lana nola burutuzen den azaltzen den bi bideo ere badituzue.
- Musika eta dantzaren mundu miresgarria ezagutzeko aukera
- Antolaturiko Igo Dantza Topaketa

Azken jardunaldietan burututako Gipuzkoako atletismoko txapelketetan Andrea Martinez eta Libe Mendiburu protagonistak izan dira zenbait marka lortu ostean. Taldekako frogetan Gipuzkoako txapeldun izan dira eta bakarko saioetan primerako emaitzak lortu dituzte.

Zorionak biei!

Zurriola Antzerki Eskolak 2014ko Olatu Talkan parte hartu zuen.
Gure ikasleek primeran pasa zuten eta – beraiekin batera – hurbildu ziren ikusleak ere!

DBH2-ko ikasleak belako ikastaro bat egin dute "Real Club Nautico San Sebastian" klubean. Gorputz-hezkuntzako 4 saiotan patinetan joan dira portura eta "gamba" belauntzitan Donostiako badian zehar nabigatu dute. Asko ikasi eta oso ondo pasa dute. Abentura paregabea!

"Ur ingurune naturaletan istripua izan dutenak erreskatatzean igeri egiteko teknikak eta kondizio fisikoa" ikastaroa, "Ur-ingurune naturaletan istripua izan dutenak erreskatatzea" izeneko moduluaren barnean dago, eta hau aldi berean, "Ur ingurune naturaletako sorospena" ziurtagiri profesionalaren barnean. Ziurtagiri profesional honek 420 ordutako iraupena du, eta ur irekietako sorosle izateko dagoen formakuntzarik zabalena, eta ofiziala da.

Aupa Zurrimendizaleak!!!!

Ikasturtea bukatzen ari zaigu eta mendi irteera eder eta erraz batekin amaituko dugu aurtengo mendi irteerak. Hendaiara joango gara hango itsaslabarra eta hondartzaz gozatzera. Bainatzeko aukera egongo da, beraz, hondartzako tramankuluak eramatea ez legoke gaizki. Surferoek ere, ohola eraman dezakete, jakina.

DBH3ko ikasleak piraguako 2 saio egin dituzte Gipuzkoako Piraguismo Federazioarekin Kontxan. Eguraldi paregabearekin iritsi dira hondartzara eta bertan ikaragarri gozatu ahal izan dute.

Asteburu honetan eskola kiroleko hondartza futbola burutu da. Gure hondartzako aurkaria agertu ez eta ondoan entrenatzen ari ziren Barça-ren nesken lehenengo taldearen kontra aritu ginen. Dirudienez ez genituen gehiegi nekatu arratsaldean kopa partiduan Errealeko neskei 0-1 irabazi baizieten. Kontuan hartu beharra dago 3 liga jarraian eta 3. koparen bila doazen neskak direla. Gure taldeak ederki asko pasa zuen!

 

Maiatzaren 25ean, igandea, Donostiako Alderdi Ederren eguerdiko 12:00etan, Zurriola musika eta dantza eskolak Igo Dantza topaketa antolatu du.
Azkoitiko Bizkargi musika eskola, Orioko Danbolin musika eskola eta Donostiako Zurriola musika eta dantzako 170 ikaslek parte hartuko dute.
6 Dantza ezberdin dantzatuko dituzte eta Xabier Zabala zaurauztar musikaria bertan omendua izango da.

Orriak

-era harpidetu